Центарот за кариерно образование е отворен во април, 2011 година, како центар што овозможува унапредување на квалитетот на воспитно-едукативниот процес. Оттогаш наваму, овој центар ги исполнува сите претпоставени цели и задачи на современото образование. Промените во наставниот процес, меѓу кои и воведување на предметот Претприемништво во средното образование, како и сите други интензивни промени во информатичкото општество, со неговото отворање добија поддршка во форма на критичко знаење кое им помага на учениците полесно да се соочат со сите предизвици, за време и по завршувањето на средното образование. Истовремено, центарот придонесува за континуиран професионален развој на наставниот кадар, преку обуки, семинари и работилници, во насока на подобрување на меѓусебната комуникација во училиштето, со другите училишта во нашата држава и надвор од неа.

Центарот за кариерно образование е отворен за учениците и за родителите, овозможувајќи им знаења и идеи од многу области кои го следат животот и работењето во современото информациско општество.

Исто така секоја година од страна на центарот се организира ОТВОРЕН ДЕН на училиштето, на кој волонтерите во центарот, под менторство на професоката Павлина Пецанова Штерјоски ги информираат заинтересираните ученици и нивните родители за условите за учење во училиштето. Можеме со гордост да кажеме дека секоја година се зголемува бројот на посети на отворениот ден.

Кариерно советување

Во училиштето има тим на кариерни советници. Кариерниот советник им помага на учениците да го идентификуваат, развијат и остварат својот образовен и професионален пат.

Работата на кариерниот советник со ученици игра клучна улога во нивниот личен и професионален развој. Оваа работа вклучува активности, насочени кон поддршка и водење на учениците при донесувањето информирани одлуки за нивната идна кариера, образование и животни цели.

Кариерни советници во училиштето се професорите:

• За учениците од прва година: Сузана Тнокова – професор по музичка уметност
• За учениците од втора година: Убавка Исијановска – професор по англиски јазик
• За учениците од трета година: Сузана Черепналковска – професор по македонски јазик и литература и Убавка Исијановска – професор по англиски јазик
• За учениците од четврта година: Татјана Гацова – професор по германски јазик и Сузана Тнокова – професор по музичка уметност