70 години: Премиера на мјузиклот „Зад кулисите на Орце“

На 05.06.2025 година, на сцената на МНТ, се одржа премиерата на мјузиклот „Зад кулисите на Орце“, во рамките на гала вечерта по повод 70 години од постоењето на нашата гимназија. Низ музика, танц и театар, со оригинално сценско дело на учениците Васја Мицковски и Амелија Ончева, нивните соученици и наставници – ментори Маријана Горгиева Ристевска, Сузана Тнокова Кузмановска, Катерина Хаџи Илоска Спироска и Драгица Јанкуловска, на креативен и емотивен начин ја раскажаа приказната за животот, предизвиците и сјајот што се крие зад училишните ѕидови– во едно Орце, каде што историјата оживува, а иднината се создава.