Меѓународна размена на ученици во Љубљана, Р. Словенија (прва мобилност)

Во периодот од 03.10. до 10.10.2024, 30 ученици од трета година од гимназијата “Пољане” од Љубљана, Р Словенија, ја остварија првата мобилност во рамки на проектот Меѓународна размена на ученици, која редовно се одвива последните неколку години. За време на 7 дневниот престој, учениците беа сместени во семејствата на своите соученици од 2 година од нашата гимназија. Сите ученици, заедно со нивните професори, Драгица Јанкуловска, Елена Минговска, Петра Хроват Христовски и Роберт Банфи, реализираа неколку едукативни работилници: Документарец/ влог, Театар, Музика, Танц, Гастрономија, Архитектура, Јазици и образовен систем, Литература и креативно пишување и Историја.

Се реализираше и посета на градовите Охрид и Битола, каде што се посетија значајни историски локалитети и знаменитости. Учениците го посетија и кањонот Матка и ги истражуваа убавините на природата во околината на Скопје. Големо уживање беше и вечерата со традиционални македонски јадења, на која им се приреди вкусно и едукативно кулинарско искуство на сите ученици и професори. Слободното време на учениците им овозможи многу дружби, прошетки и незаборавни моменти. Втората мобилност е предвидена за мај, 2025 година. Во продолжение неколку фотографии и краткото видео/влог.